Við erum þorpið – listin að vera leiðinlegt foreldri

Við blásum til þriggja frábærra funda um foreldrahlutverkið og unglingana okkar. Þrír fundir, þrír dagar, því við erum þorpið.

Þetta er 3. og síðasti fundurinn og yfirskriftin er: Listin að vera leiðinlegt foreldri.

Ársæll Arnarsson fjallar á hreinskilinn og hagnýtan hátt um þær áskoranir sem foreldrar standa frammi fyrir þegar „allir hinir mega“.

Hann ræðir hvernig kærleiksríkur agi, skýr mörk og sjálfsöryggi í foreldrahlutverkinu geta skapað gott umhverfi fyrir börn og unglinga til að dafna.

Jafnframt beinir hann sjónum að því sem gerist innra með foreldrum þegar þau takast á við kröfurnar sem fylgja uppeldi og leitast við að sinna hlutverki sínu af ábyrgð og umhyggju.