Sorg og sorgarviðbrögð barna og unglinga

Hvernig upplifa börn og unglingar sorg? Hvernig getum við mætt þeim betur og staðið við bakið á þeim?

Á námskeiðinu er fjallað um hinar ýmsu myndir sorgarinnar og hvernig þessar myndir snerta börn og unglinga hvert á sinn hátt út frá aldri þeirra og þroska.

Fjallað verður um viðbrögð barna og unglinga við ýmsum breytingum í lífi þeirra, svo sem vegna skilnaðar, flutninga, vinamissis, dauða gæludýra og dauða nákominna. Veitt er innsýn inn í heim þeirra þegar þau upplifa sorg og missi við þessar aðstæður og hvaða úrræðum við getum beitt þeim til stuðnings.

Námskeiðið er ætlað öllum sem starfa með börnum og unglingum, til dæmis grunn- og leikskólakennurum, sérkennurum, námsráðgjöfum, þroskaþjálfum, skólahjúkrunarfræðingum, íþrótta- og tómstundastarfsfólki og stuðningsfulltrúum.

Efni og ávinningur

Á námskeiðinu er fjallað um:

• Sorg og sorgarferlið.
• Viðbrögð barna og unglinga í sorg.
• Að lesa í umhverfið og myndir sorgarinnar.
• Viðbrögð okkar og úrvinnslu.
• Úrræði til hjálpar; „skyndihjálparkassinn“.

Ávinningur þinn:

• Að gera þig læsari á viðbrögð barna og unglinga í sorg.
• Að þekkja betur þín eigin viðbrögð.
• Að auka styrk þinn og getu til að mæta barni eða unglingi í sorg.
• Að hafa á takteinum hinn „andlega skyndihjálparkassa.“