SLÁTURTÍÐ 2026

SLÁTURTÍÐ 2026

Mengi, Óðinsgata 2, 101 Reykjavík Kort

fös 27. nóv 2026 20:00

Bústaðu viðburðinn!

Sláturtíð 2026

27.–29. nóvember 2026 · Mengi, Óðinsgötu 2, og Fríkirkjan í Reykjavík

Sláturtíð snýr aftur með þriggja daga dagskrá af framsækinni nýrri tónlist: hreyfinótur, frjáls spuni og nýtt tónverk að tilefni aldarafmælis orgels Fríkirkjunnar í Reykjavík.

Sláturtíð er uppskeruhátíð S.L.Á.T.U.R. (Samtaka listrænt ágengra tónsmiða umhverfis Reykjavík). Hátíðin var fyrst haldin árið 2009 og hefur verið haldin margoft síðan.

Sláturtíð 2026 er haldin í samstarfi við Skólahljómsveit Vesturbæjar og Miðbæjar, SVoM, Fríkirkjuna í Reykjavík og Mengi, Óðinsgötu.

Föstudagur 27. nóvember · Mengi

SVoM tekur S.L.Á.T.U.R.

doors 19:30 / show 20:00

2500kr / 2000kr students / pay what u can

Ungir hljóðfæraleikarar í SVoM flytja eldri og nýrri verk eftir meðlimi S.L.Á.T.U.R., samin með hreyfimyndanótum og tölvugrafískri nótnaritun. S.L.Á.T.U.R. meðlimir hafa verið þekktir fyrir slík verk allt frá stofnun samtakanna árið 2005. Nú fá SVoM nemendur í 10. bekk tækifæri til að kynnast þessari tónlist og glæða grafíska nótnaritun lífi.

Laugardagur 28. nóvember · Mengi

SVoM tekur meira S.L.Á.T.U.R.

doors 14:30 / show 15:00

FREE FREE FREE FREE FREE

SVoM flytur fleiri tónverk eftir fleiri meðlimi S.L.Á.T.U.R.

Laugardagur 28. nóvember · Mengi

Áki Ásgeirsson og Ingi Garðar Erlendsson

doors 19:30 / show 20:00

2500kr / 2000kr students / pay what u can

Áki og Ingi stíga á svið með ýmis hljóðfæri, bæði órafmögnuð og rafræn. Saman skapa þeir tónlist á staðnum í frjálsum spuna. Bæði Áki og Ingi hafa hannað eigin hljóðfæri sem og leikið á ýmis blásturshljóðfæri og samið tilraunatónlist í mörg ár.

Sunnudagur 29. nóvember · Fríkirkjan í Reykjavík

Áki Ásgeirsson: 105° (frumflutningur)

Árið 1926 var Sauer-orgel sett upp í Fríkirkjunni, smíðað af orgelsmiðju Wilhelms Sauer undir stjórn Pauls Walcker. Tónleikarnir fagna aldarafmæli orgelsins með frumflutningi á 105°, nýju verki fyrir tölvustýrt kirkjuorgel, leikið með MIDI.

105° tilheyrir langri tónverkaröð Áka þar sem talið er niður um eina gráðu í hverjum mánuði. Röðin hófst með 360° í ágúst 2005 og lýkur með 0° í ágúst 2035.

Um samstarfsaðila:

Sláturtíð 2026 er samstarf S.L.Á.T.U.R., SVoM, Fríkirkjunnar í Reykjavík og Mengis. Áki og Ingi Garðar eru stjórnendur hátíðarinnar í ár.

S.L.Á.T.U.R. eru tilraunakennd samtök tónskálda, stofnuð í Reykjavík árið 2005, þekkt fyrir hreyfinótur, gagnvirkni og tilraunir með hljóð.

SVoM er skólahljómsveit Vesturbæjar og Miðbæjar í Reykjavík.

Fríkirkjan í Reykjavík stendur við Tjörnina í miðbæ Reykjavíkur og hýsir Sauer-orgelið frá 1926.

Mengi er listastaður að Óðinsgötu 2 sem býður upp á tilraunatónlist, gjörninga og myndlist.