Shorts. Þingeyri Q&A

Charm Íran Teiknimynd 4 mínútur Leikstjóri: Payam Shokouhirad Charm segir frá einmana manni sem engin kona virðist taka eftir. Dag einn birtist forvitin geimvera sem fyrir mistök tekur alla aðra karlmenn á jörðinni með sér. Skyndilega gjörbreytist líf einmana söguhetjunnar.

Can you see? Pólland Stuttmynd 17 mínútur Leikstjóri: Cezary Orłowski Hið kyrrláta líf Teresu fer úr skorðum þegar blettur á eldhúsglugganum er lýstur sem kraftaverk. Pílagrímar streyma heim til hennar og eiginmaður hennar, Henryk, blómstrar í sviðsljósinu, en Teresa finnur æ meira fyrir því að enginn veiti henni athygli. Hún er klofin milli trúarinnar, væntinga samfélagsins og eigin langana og reynir að endurheimta sjálfsmynd sína í heimi sem lítur fram hjá henni. Svartkómísk og áhrifarík saga um konu sem þráir að fólk sjái hana í alvöru.

Beyond Silence. Holland Stuttmynd 16 mínútur Leikstjóri: Marnie Blok Tvær konur, tvær kynslóðir, eitt sameiginlegt áfall. Önnur hefur þagað í rúm þrjátíu ár, hin „aðeins“ í eitt og hálft ár. Eftir árekstur sekkur önnur enn dýpra í þögnina, en hin finnur hugrekki til að rjúfa hana.

The Pearl Comb. Bretland Stuttmynd 20 mínútur Leikstjóri: Ali Cook Árið 1893 verður sjómannskona fyrst til að lækna manneskju af berklum. Læknir sem er staðráðinn í að sanna að konur eigi heima á heimilinu en ekki við læknisstörf rannsakar málið, en kemst þá að því hvaðan ójarðneskur kraftur hennar kemur.

The Third Child. Íran Heimildarmynd 25 mínútur Leikstjóri: Serna Amini Mehdi er eina heyrandi barnið í fjölskyldu þar sem allir aðrir eru heyrnarlausir. Frá barnæsku hefur hann átt í erfiðleikum með framburð og tal vegna aðstæðna sinna. Nú hefur hann lagt inn á nýja braut og stefnir að því að verða atvinnuraddleikari og talsetjari.