Leikhúskaffi - Pétur og kötturinn Brandur

Leikhúskaffið er skemmtilegur viðburður fyrir öll sem hafa áhuga á leikhúsi og hefst á Borgarbókasafninu Kringlunni þar sem leikstjórinn Sara Martí Guðmundsdóttir segir frá sýningunni.
Í kjölfarið verður farið samferða yfir á Litla svið Borgarleikhússins þar sem ævintýraleg leikmyndin verður skoðuð og boðið upp á umræður og spurningar fyrir áhugasama.
Barnasýningin Pétur og kötturinn Brandur verður frumsýnd á Litla sviði Borgarleikhússins þann 16.janúar. Hjartnæm og sprenghlægileg sýning, full af tónlist, húmor og töfrum sem minna okkur á mikilvægi vináttunnar. Með hlutverk fara Vala Kristín Eiríksdóttir og Valur Freyr Einarsson.
Gestum leikhúskaffis býðst 10% afsláttur af miðaverði á sýninguna.
Hjólastólaaðgengi er á viðburðinum.
Öll eru hjartanlega velkomin!