Dægurflugur í hádeginu I Í minningu Gunnars Þórðarsonar

16. október kl. 12:15 - 13:00 á Borgarbókasafninu Gerðubergi 17. október kl. 13:15 - 14:00 á Borgarbókasafninu Spönginni Að þessu sinni eru Dægurflugur tileinkaðar tónlistarmanninum Gunnari Þórðarsyni en hann lést í júlí á þessu ári. Gunnar hefur samið margar af stærstu dægurlagaperlum okkar tíma og eftir hann liggja yfir fimm hundruð lög sem þjóðin hefur sungið, elskað og dáð. Gunnar var einstaklega fjölhæfur tónlistarmaður. Hann kom fram sem söngvari, gítarleikari og var auk þess vinsæll upptökustjóri! Á tónleikunum mun Ragnheiður Gröndal syngja og spila á píanó og með henni leika Guðmundur Pétursson á gítar og Leifur Gunnarsson á kontrabassa en hann er jafnframt listrænn stjórnandi tónleikaraðarinnar. Aðgangur ókeypis.

Nánari upplýsingar

Hólmfríður Ólafsdóttir, Verkefnastjóri