27 - Ópera

Borgarleikhúsið | Litli Salur

27 - Ópera

27 - Ópera

Borgarleikhúsið | Litli Salur, Listabraut 3, 103 Reykjavík Kort

fim. 05.11.2026 20:00

ISK 7950.00
Miðar / Skráning
ISK 7950.00
Miðar / Skráning

 Í hjarta Parísar verður lítil stofa að suðupotti nýrrar listar. Óperan 27 segir hrífandi ástarsögu Gertrude Stein og Alice B. Toklas, tveggja kvenna sem sköpuðu heimili, samfélag og skjól fyrir helstu listamenn tuttugustu aldar. Þar hittast Picasso, Matisse og Hemingway áður en heimurinn þekkir nöfn þeirra – og innan veggjanna takast á ástríða, metnaður, vinátta og hugmyndir sem eiga eftir að breyta listasögunni. Ricky Ian Gordon og Royce Vavrek flétta saman tónlist, húmor og hjartnæma sögusýn í aðgengilegri samtímaóperu um ástina sem lifir af stríð, átök og tímans þunga nið.

 Uppsetningin er framleiðsla nýs íslensks óperukompanís sem heitir hinÓperan, en markmið þess er að auka sýnileika hinsegin fólks á óperusviðinu. Sjá nánar á www.hinoperan.is 

Óperan 27 er styrkt af Sviðslistasjóði.

Athugið að sýningin er á ensku.


Flytjendur:

Íris Björk Gunnarsdóttir er Gertrude Stein

Herdís Anna Jónasdóttir er Alice B. Toklas

Eggert Reginn Kjartansson er Pablo Picasso o.fl.

Áslákur Ingvarsson er Leo Stein o.fl.

Bjarni Thor Kristinsson er Ernest Hemingway o.fl.  

Listrænir stjórnendur:

Leikstjóri: Bjarni Snæbjörnsson

Tónlistarstjóri: Matthildur Anna Gísladóttir

Leikmynda-og ljósahönnun: Friðþjófur Þorsteinsson

Búningahönnuður: Andri Unnarsson

Sviðshreyfingar: Cameron Corbett  

Leikgervi: Ray Milano  


Flytjendur

  • Íris Björk Gunnarsdóttir
    Íris Björk Gunnarsdóttir

    Íris Björk Gunnarsdóttir, sópran, er leikárið 2023-24 með ráðningu við Þjóðaróperu Noregs. Hún hóf söngnám 21 árs við Söngskóla Sigurðar Demetz og er með bachelorgráðu í klassískum söng frá Listaháskóla Íslands. Hún nam eitt ár við Óperuháskólann í Stokkhólmi og lauk mastersgráðu við Óperuháskólann í Osló vorið 2023. Íris Björk sigraði söngkeppnina Vox Domini árið 2018 og hlaut titilinn ,,Rödd ársins”. Í lok árs 2020 bar Íris Björk sigur úr býtum í árlegri keppni Ungra einleikara og kom því fram ásamt Sinfóníuhljómsveit Íslands á samnefndum tónleikum í Eldborg í maí 2021.

    Hlutverk sem Íris Björk tókst á við á námsferli sínum eru meðal annars Governess í Turn of the Screw, Nedda í Pagliacci, Lauretta og Nella í Gianni Schicchi, Alice í Falstaff, Mimì í La Bohéme, Sandrina í La finta giardiniera og Gertrude Stein í 27. Hún söng Svörtu drottninguna í heimsfrumsýningu á Lísu í Undralandi eftir John Speight í Reykjavík 2021. Á leikárinu 2023-24 er Íris Björk ráðin við Þjóðaróperu Noregs og mun syngja í uppfærslum hússins á La traviata, Orfée aux enfer, Madama Butterfly og Dialogues des Carmélites. Hún kemur reglulega fram á tónleikum bæði á Íslandi og Noregi.

  • Herdís Anna Jónasdóttir
    Herdís Anna Jónasdóttir

    Icelandic soprano, Munich/Reykjavík

  • Eggert Reginn Kjartansson

    Einsöngvari, leikur Basillio / Don Curzio.

  • Áslákur Ingvarsson

    Flytjandi í hlutverki Marcello.

  • Bjarni Thor Kristinsson
  • Bjarni Snæbjörnsson

    Ástríðufullur söng-leikari

  • Cameron Corbett

    Dans- og sviðshreyfingar

  • Ray Milano
    Leikgervi